اسلام آباد۔2اکتوبر(اے پی پی) وزیر مملکت انفارمیشن ٹیکنالوجی و ٹیلی کمیونیکیشن شزہ فا??مہ خواجہ آکھیے وزیراعظم دے وژن دے تحت ڈیجیٹلائزیشن سانڳے اقدامات جار?? ہن، ملک کوں کیش لیس اکانومی اچ بدالݨ سانڳے پرعزم ہیسے ۔وزارت آئی ٹی توں جاری بیان موجب وزیر مملکت آئی ٹی و ٹیلی کمیونیکیشن شزہ فا??مہ خواجہ نال پاکستان اچ ایتھوپیا دے سفیر جمال بیکر عبداللہ انھاں دے دفتراچ ملاقات کیتی ۔ ملاقات اچ سانجھی دلچسپی دے امور، ڈیجیٹلائزیشن اتے ای گورننس دے حوالے نال ڳالھ مہاڑ تھئی ۔شزہ فا??مہ آکھیے پاکستان ایتھوپیا وچال آئی ٹی و ٹیلی کام سیکٹر اچ تعلقات اچ ودھارا اہم اے ، پاکستان دا آئی ٹی و ٹیلی کام سیکٹر تکھے ترقی کریندا پئے ، وزیراعظم پاکستان دے وژن دے تحت ملک اچ ڈیجیٹلائزیشن سانڳے اقدامات جار?? ہن سوسائٹی، اکانومی، گورننس کوں ڈیجیٹلائز کریندے پئن انھاں آکھیے موجودہ حکومت پاکستان کوں کیش لیس اکانومی اچ بدالݨ سانڳے پر عزم اے، چاہندوں جو ملک اچ ڈیجیٹل ??یم??ٹس کوں ودھارا تھیوے ، ایتھوپیا پاکستان دے انفارمیشن و کمیونیکیشنز ٹیکنالوجی (آئی سی ٹی) دے میدان اچ تجربیں توں فیدہ چاسڳدے ، پاکستان ایتھوپیا کوں ڈیجیٹلائزیشن دے حوالے نال مکمل سپورٹ کریسی ۔ایتھوپیا دے سفیر آکھیے پاکستان دے آئی ٹی سیکٹر اچ ٻہوں صلاحیت اے، ایتھوپیا پاکستان نال آئی ٹی و ٹیلی کام سیکٹر اچ تعاون ودھاوݨ چاہندے ،آئی سی ٹی انفراسٹرکچر ڈویلپمنٹ اچ پاکستان دے تجربیں توں فیدہ چاوݨ چاہندوں ۔ملاقات اچ ڈائریکٹر جنرل انٹرنیشنل کوآرڈینیشن سید جواد علی شیرازی وی موجود ہن۔
