اسلام آباد 25 اګست (اے پي پي)د موسمياتي بدلون وفاقي وزيرې سېنېټر شيري رحمان وئېلي دي د اوسنو غېر معمولي بارانونو څخه د راغلي تباهۍ له امله انساني بحران راپیدا شوے ٬ كومه چې دا مهال د پاكستان تر ټولو لويه مسئله ده٬په هېواد كښې قامي ايمرجنسي لګولې شوې٬د ضروريات جائزه اخستلې كېږي كومه به چې ډېره زر بشپړه كړې شي٬دې څخه به مرستې او بچ كېدو لپاره ډونرز سره رابطه كولو له مرسته ترلاسه شي۔د زيارت په ورځ خبري كنفرنس ته د وېنا كولو په مهال وفاقي وزيرې په مېډيا زور راوړو چې هغوي د سېلاب ځپليو حالت زار رامخې ته كولو٬بچ كولو او د مرستې هلې ځلې او د پشكال بارانونو څخه شوے زيان رامخې ته كولو پلو پام وګرځوي دغسې چې اړوند سټيك هولډرز د اولس په مرسته د يو مربوط ردعمل څخه خبر كړے شي۔شيري رحمان ووئيل د اګست په مياشت كښې په هېواد كښې په مجموعي توګه ډېر زيات بارانونه شوي كوم چې د معمول څخه 241 فيصد زيات دي او د هېواد په سوئېلي برخه په خاص توګه سندھ كښې په روان سيزن كښې اوسط 784 فيصد نه زيات بارانونه شوي كوم چې تشويشناك دي۔دې په دې خبره زور راوړو چې په اباسين كښې د اوبو زور د كال 2010 د سېلاب نه زيات دے٬دا د پشكال د بارانونو اتمه لړۍ ده چرته چې په سوئېلي پاكستان كښې ډېر زيات بارانونه شوي او په وجه يې د سندھ 23 ضلعې آفت ځپلې ګرځولې شوي۔وفاقي وزيرې ووئېل په هېواد كښې قامي ايمرجنسي اعلان شوې٬په هېواد كښې د سېلاب صورتحال په وجه خارجه وزير او وزيراعظم خپلې بهرنۍ سركاري دورې ځنډولي۔وسله وال ځواكونه او اېن ډي اېم اے صوبائي حكومتونو سره په ګډه د مرستې په چارو كښې بوښت دي۔وفاقي وزيرې ووئيل نزدې 30 ملين ځپلي د شيلټر نه بغېر ژوند كوي٬په دې كښې د زرګونو په شمېر بې كوره دي او د خوراك نه محروم دي٬د ضرورتونو جاج اخستلې كېږي۔وفاقي وزيرې ووئيل په ستمبر كښې د پشكال د بارانونو زياتېدو په اړه اطلاعات ترلاسه شوي۔وفاقي وزيرې ووئيل په بارانونو كښې 913 كسان په حق رسېدلې۔په خېبرپښتونخوا كښې زيات مرګونه د ماشومانو شوي دغسې د ژوبل شوو شمېره هم زياته ده۔هغې ووئيل وخت راغلے چې عطيه وركونكې او نړۍ زمونږ مرسته وكړي۔زمونږ هېواد تل په قدرتي آفتونو كښې د ګاونډيانو مرستې لپاره په رضاكارانه توګه خپلې هڅې كړي۔
د غېر معمولي بارانونو څخه د راغلې تباهۍ له امله انساني بحران پیدا شوے٬د ضروريات جائزه اخستلې كېږي۔د موسمياتي بدلون وفاقي وزيرې سېنېټرې شيري رحمان نيوز كنفرنس ته وېنا
مضمون کا ماخذ : گونزو کی تلاش
متعلقہ مضامین
