اسلام آباد 09 مئي (اے پي پي)د كورنيو چارو وفاقي وزير رانا ثناﺀ الله خان د عمران خان د القادر ټرسټ او توشه خانه كيس كښې د نيولو تصديق كولو سره وئېلي دي قومي احتساب بيورو نيب د ټولو قانوني تقاضو پوره كولو نه پس كرپشن ريفرنسز كښې عمران خان نيولے دے٬عمران خان هېواد دښمنه قوتونو سره په ګده د پاكستان ادارو ته زيان رسوي٬ د عمران خان نه علاوه د هغه د ګوند خلك هم په داسې حركتونو او كاروائيو كښې ككړ دي كوم چې هېواد سره د دښمنۍ په زمره كښې راځي٬ د پاكستاني ادارو او ايجنسو په ضد د عمران خان بيان هم فرمائشي بيان دے۔ ده د نهې په ورځ پي ټي وي هېډكوارټر كښې خبري كنفرنس ته وېنا كوله۔ د كورنيو چارو وفاقي وزير رانا ثناﺀ الله خان ووئيل عمران خان نيازي نن نېب نيولے دے٬هسې هم د هغه په ضد ګن شمېر كېسونه دي چې پكښې د كرپشن انكوائري روانه ده خو دا ګرفتاري د القادر ټرسټ په نامه كېس كښې د انكوائرۍ نه پس شوې ده٬د يو پراپرټۍ ټائيكون رقم په برتانيه كښې ونېولې شو كوم چې 190 ملين پاؤنډ (60 ارب روپۍ)وو٬د قانون له مخې د دې قامي خزانې ته بېرته تلل وو٬ برتانوي حكومت پاكستان سره تماس ونيولو او د رقم واپسۍ له په انتظاماتو يۍ خبره وكړه٬ د عمران خان ملګرے شهزاد اكبر ترمينځه راغلو او سودا بازي يۍ وكړه چې په نتيجه كښې يې القادر ټرسټ جوړ كړې شود دې ټرسټ په نوم 458 كناله زمكه كښې 240 كناله په بني ګاله كښې د القادر په نوم منتقل شوه۔ دا سكينډل ما بې نقابه كړې وو او ما چېلنج كړې و چې دا د كرپشن لويې سكينډل دې خو عمران خان كوم ځواب ور نه كړو۔ ده ووئيل چې د 7 ارب په پراپرټۍ كښې 2 ارب شهزاد اكبر اخستلو سره 190 ملين پاؤنډ د سپريم كورټ په اكاؤنټ كښې ايډجسټ كولو سره رقم هم دغې پراپرټي ټائيكون ته بېرته وركړو۔ ده ووئيل چې كوم رقم د بهرني هېواد څخه زمونږ اكاؤنټ ته راځي هغه د كوم ځاې نه راځي په دې سپريم كورټ هم نوټس وانخسته۔ ده ووئيل چې نن هم د پي ټي آئي ټول مشران چېلنج كوم چې د القادر ټرسټ ټرسټي څوك دې او د 7 ارب پړاپرټۍ اخستلو مني ټريل نشته دے٬ كه پي ټي آئي دا لري نو راوړاندے دے كړي۔ ده ووئيل چې كله عمران خان كرپشن كولو نو هغه مهال هغه د خپلو مخالفينو په ضد د كرپشن دروغو مقدمې جوړولې٬د دې تن مكارۍ ته وګورۍ چې خلكو ته به يې غل غل٬ډاكو٬ ډاكو وئيلو ٬ پخپله يۍ ناوړه كرپشن كولو۔ نعرې وهلو سره پخپله دا ډول ناوړه كرپشن كولو۔د كورنيو چارو وفاقي وزير ووئيل چې د القادر ټرسټ رجسټرۍ٬انتقال موجود دې٬يوه روپۍ نه ده ادا كړې شوې۔ مونږ ته د دې خبرې افسوس دې چې د غلا پيسه كله چې د سپريم كورټ په اكاؤنټ كښې ايډجسټ كېده نو كاش چې چا پوښتنه كړې وه چې دا پيسه ولې ايډجسټ كېږي۔ده ووئيل چې عمران خان د نيولو په موقع مزاحمت كړے دے٬وكيلانو سره دا ښه نه ښكاري چې هغوي د كوم شخصيت په نيولو كښې خنډ جوړ شي۔ده ووئيل چې توشه خانه كيس هم ثابتېدونكې دې٬په دې كښې جعلي رسيدونه لګولې شوي٬دا كرپشن هم هغه مهال عمران خان كولو كله چې يۍ په نواز شريف مقدمې جوړولې٬د شهباز شريف٬مريم نواز او شريف كورنۍ نورو خلكو په ضد مقدمې جوړېدلې۔ده ووئيل چې عمران خان د توشه خانه څخه ډالۍ غلا كړي٬جعلسازۍ سره يۍ بهرني هېوادونو ته وړولو سره خرڅ كړي٬دا څيزونه تحقيقاتي عمل كښې ثابت دي چې كوم دوكان جعلي رسيدونه جوړ كړي و د دې حقيقت هم رامخې ته شوې دے٬د كرپشن كېسز نيب سره دي۔ده ووئيل چې فرح ګوګي 12 ارب روپۍ د بينكنګ چينل څخه بهرني هېوادونو ته منتقل كړي دي٬هغه د وزيراعظم هاؤس په رېكارډ كښې كورنۍ غړې وه٬ هلته په تللو راتللو كښې هېڅ خنډ نه و۔ده ووئيل چې نيب نوټس كړې او په تفتيش كښې يۍ د شاملولو وئېلي۔ ده ووئيل چې د عمران نيول د قانون له مخې شوي دي٬نيب يوه خپلواكه اداه ده٬د حكومت كوم ډول كنټرول نه دې۔د كورنيو چارو وزير په توګه په سوګند سره وايم چې د نيب آفسر يا د نيب چيئرمېن سره زما كوم ملاقات نه دې شوې او نه ما كوم بريفنګ اخستلې۔د يوې پوښتنې په ځواب كښې ده ووئيل چې د انتقامي كاروائي سره نه دې مخ كړې شوې٬د القادر ټرسټ په نامه 7 ارب جائيداد عمران خان او د هغه د كور ودانې په نامه دې نو بيا انتقامي كاروائي څنګه ده۔ده ووئيل چې دا يو كرپشن دې د كوم چې دستاويزي ثبوت موجود دي۔دا خبره بلكل غلطه ده چې څوك د عمران خان د نيولو په مهال تشدد سره مخ كړے شوي دي۔د نيولو په موقع د عمران خان ذاتي سيكورټي څه مزاحمت كړے دے۔د يوې پوښتنې په ځواب كښې ده ووئيل چې عمران خان ته د خوراك نه بلكې د كوم بحالي مركز ضرورت دې چرته چې د هغه علاج هم وشي۔ده ووئيل چې شهزاد اكبر په دې معامله كښې 2 ارب روپۍ اخستلې دي هغه هم پاكستان ته راوستل پكار دي٬كه چرې نيب په دې اړه څه وكړل نو د كورنيو چارو وزارت به په دې اړه خپلې ذمه وارۍ پوره كوي۔ ده ووئيل د ټولو صوبو چيف سېكترانو او آئي جيز ته وئيلې شوي دي چې د عمران خان د ګرفتارۍ څخه وروستو كه څوك د اړي ګړي رامخې ته كولو هڅه كوي نو د هغه په ضد دې سخته كارروائي وكړې شي۔ ده ووئيل په اسلام آباد كښې رېنجرز په مستقل بنيادونو تعينات دے۔ ده ووئيل عمران خان فراد كړے دے ده ته د ويل چيئر ضرورت نه وو۔ كه په تېښته كښې بريالے كېدے نو دے به ضرور تښتېدلے وو۔ ده ووئيل عمران خان دا وائي چې په مهال دوه قاتلانه بريدونه شوي دي ٬ زما دعوی ده چې په وزيرآباد بريد كښې كوم تن نيولے شوے دے هغه مذهبي جنوني وو۔ زما په شمول چې څوك هم عمران خان په دغه بريد كښې ككړ كوي هغه دروغ دي۔ د يوې پوښتنې په كښې ده ووئيل د عمران خان د ګرفتارۍ نه وروستو د احتجاج صورتحال په اړه ده ووئيل ځينې ځايونو كښې لس كسان دي او چينې ځايونو كښې 30 كسان دي۔ دوئي ته مو خبردارې وركړې چې كه دوئي احتجاج څخه ډډه نه كوي نو په ضد به يۍ كارروائي كولې شي۔ ده ووئيل غلا كړې شوې مال د سپريم كورټ په اكاؤنټ كښې دے ٬ كله چې ثابت شو چې دا د غلا مال دے نو دا پېسه بايد قومي خزانې ته منتقل شوې وه۔
نيب د ټولو قانوني تقاضو پوره كولو نه پس كرپشن ريفرنسز كښې عمران خان نيولے دے٬عمران خان هيواد دښمنه قواؤ سره په ګده د پاكستان ادارو ته زيان رسوي۔د كورنيو چارو وفاقي وزير رانا ثناﺀ الله خان خبري كنفرنس ته وينا
مضمون کا ماخذ : کمپیوٹر لاٹری کا جیک پاٹ
متعلقہ مضامین
