اسلام آباد۔30مئی(اے پی پی) د خزانې او محصولاتو وفاقي وزير شوكت ترين وئيلي دي چې د بشپړه او تل پاتې نمو لړۍ روانه ساتل د اوسني حكومت ترجيحاتو كښې شامل دي۔پاكستان په اولني ځل په 10 مياشتو كښې د 4 ټریلین نه د زياتو روپو ریونیو ترلاسه كولو كښې كامياب شوے۔ د كال 1960 لسيزې نه وروسته په اولني ځل كوم حكومت معيشت لپاره بشپړه او تل پاتے روډ مېپ جوړ كړے دے۔ د راروان كال په مهال به د 5800 اربه روپو محصولات جمع كولو هڅه كولې شي۔ د اتوار په ورځ د انسټی ټیوټ فار پالیسی ریفارمز آن لائن ترسېوري لاندې د نوي مالي كال بجټ سره اړوند وېبنار ته خپل خطاب كښې د خزانې وزير ووئيل د تېر حكومت ختمېدو په وخت د پاكستان كرنټ اكاؤنټ خساره نزدې 20 اربه ډالره وه۔ ګرځنده قرضې آسمان سره خبرې كولې۔ او دا پرله پسې زياتېدله۔ نوې حكومت راغلو نو ملګرو هېوادونو د پاكستان مرسته وكړه ولې هغه كافي نه وه۔ په داسې حالاتو كښې پاكستان آئي اېم اېف ته رجوع وكړه۔ هغه ووئيل کووډ۔19 وبا سره صورتحال لا مشكل شو او دې سره د نمو عمل وځپلې شو۔ د وزیراعظم عمران خان په مشرۍ كښې حكومت د كورونا ځپلي معيشت بحالۍ او نمو له د 1240 اربه نه د زياتو روپو مالياتي پېكج وركړو۔ وزیراعظم عمران خان د تعميرات صنعت له هم خصوصي پېكج وركړو۔ د دې په نتيجه كښې هېواد كښې معاشي هلې ځلې تندې شوې۔ وفاقي وزير ووئيل د حكومت ګامونو سره معيشت بحال كېږي۔ برآمدات سوا كېږي۔ د سمندر پورې پاكستاني وګړو په ترسيلات زر كښې ريكارډ اضافه شوې۔ پاكستان په اولني ځل 10 مياشتو كښې د 4 ټريلين نه د زياتو روپو ريونيو ترلاسه كولو كښې كامياب شوے۔ د كال 1960 لسيزې نه وروسته په اولني ځل كوم حكومت معيشت لپاره بشپړه او تل پاتے روډ مېپ جوړ كړے دے۔ د راروان كال په مهال به د 5800 اربه روپو محصولات جمع كولو هڅه كولې شي۔ دا ډول پرمختګ او نمو لپاره به د راروان مالي كال بجټ كښې د سركاري څانګې كلن پرمختيائي پروګرام حجم تر 900 اربه روپو زياتولې شي۔ هغه ووئيل كركيله يوه بله څانګه ده كومې ته چې حكومت خپل خاص پام ګرځولے دے۔ حكومت د دې څانګې نمو او پرمختګ له يو متحرك او فعاله منصوبه جوړه كړې ده چې له مخې به ئې د كركيلې پېداوار او اصلاحاتو ته پام ګرځولے شي۔ دې څانګې ته به مراعات وركولې شي۔ د خزانې وزير ووئيل د برېښنا او توان څانګه كښې هم استحكام راوستلے شي۔ هغه ووئيل دا يوه لويه مسئله ده۔ دا مهال ګرځنده قرضه نزدې 2.3 ټریلین روپۍ ده۔ دې كښې به په مزه مزه كمې كولې شي۔ هغه ووئيل وزيراعظم اولس سره لوظ كړې چې نزدې وختونو كښې به دبرېښنا قيمت زياتولې نه شي۔ ولې چې اولس وړاندې نه ګرانه برېښنا اخلي۔ د خزانې وزير ووئيل نېغ په نېغه سرمايه كارۍ او په خاص توګه برآمدي څانګه كښې اېف ډي آئي به زياتول وي۔ د بشري وسائلو پرمختګ ته هم پام كولے شي۔ وزیراعظم عمران خان په دې څانګه كښې 4 چنده اضافه كول غواړي۔ مالياتي څانګه هم په حكومتي ترجيحاتو كښې شامل ده۔ هغه ووئيل دا مهال پاكستان كښې د بېنكنګ څانګې برخه 33 فيصد ده او دا 16 نه تر 17 فیصده مرسته كوي۔ د نړۍ د نورو هېوادونو په مقابله كښې دا ډېره كمه ده۔ دې كښې بايد اضافه وكړې شي۔ د ډیپازټس اوقرضونو شرح كښې هم فرق دے۔ هغه ووئيل حكومت به پراجېكټ او بنيادي اډانې ته هم پام كوي۔
د بشپړه او تل پاتې نمو لړۍ روانه ساتل د اوسني حكومت ترجيحاتو كښې شامل دي۔ د خزانې وزير شوكت ترين وېبينار ته خطاب
مضمون کا ماخذ : loteria آن لائن confiável
متعلقہ مضامین
