اسلام آباد۔31اکتوبر(اے پی پی) پاکستان لبنان دی وادی بیکا اتے بعلبک دے علاقے تے اڄوکے اسرائیلی حملیں دی شدید مذمت کیتی اے جیں دے ??تی??ے اچ تریمتاں تے ٻالاں سودھے شہریاں دیاں جاناں دا وݙا ضیان تھئے تے 10 لکھ توں ودھ لوک بے گھر تھئن ۔ دفتر خارجہ دی ت??جم??ن ممتاز زہرہ بلوچ پر??س بریفنگ اچ آکھیے اے فضائی حملے لبنان دی قومی خودمختاری اتےعلاقائی سالمیت دی خلاف ورزی اتے بین الاقوامی انسانی قانون اتے اقوام متحدہ دے چارٹر دی سنگین خلاف ورزی اے۔ پاکستان شمالی غزہ دے لوکاں دے خلاف اسرائیلی جارحیت اتے بیت لاہیا تے اندھا دھند فضائی حملے دی وی مذمت کریندے جیں دے ??تی??ے اچ تریمتاں تے ٻالاں سودھے 100 توں ودھ فلسطینی شہید تھئن۔ ت??جم??ن آکھیے مسلسل اتے مکمل استثنیٰ نال بغیر کہیں وارننگ دے گنجان آباد رہائشی علاقیں کوں نشانہ بنانا بین الاقوامی قانون اتے انسانی مصائب سانڳے اسرائیلی نفرت کوں ظاہر کریندے ، اساں عالمی برادری تے زور ݙیندوں جو اسرائیل کوں ایندے جن??ی جرائم تے انسانیت دے خلاف جرم دا ولدا ڳھدا ونڄے ۔ ت??جم??ن آکھیے پاکستان لبنان تے فلسطین دے عوام کوں انسانی امداد ݙیوݨ سانڳے پرعزم اے، گزیل ہفتے پاکستان انسانی امداد دے مزید 2 طیارے لبنان بھیڄے، ہݨ تئیں پاکستان توں چار خصوصی کارگو طیارے ضروری انسانی سامان نال لبنان پڄ چکن۔
