اسلام آباد 17 مارچ(اے پی پی)خارجه وزير شاه محمود قرېشي وئېلي دي اسلام د امن دين دے ٬ دې ته دې د څو انتها خوښو د عمل په بنياد ونه كتلے شي٬د اسلامو فوبيا نړيواله ورځ لمانځلو سره به زغم٬د مذهبونو او كلتورونو ترمينځه همغږۍ ته د ودې وركولو پیغام خپور شي۔عمومي اسمبلي دې 15 مارچ د اسلامو فوبيا په ضد د نړيوالې ورځې په توګه د لمانځلو اعلان وكړي۔هغه د شورو په ورځ د اسلامو فوبيا په ضد د نړيوالې ورځې مناسبت سره نيويارك كښې د “او آئي سي”رابطه ګروپ تر سيوري لاندې د لوړې كچې دستورې ته خطاب كولو۔خارجه وزير د دې ورځې اهميت په حقله ووئيل د دې ورځې لمانځلو سره به د نسلي تعصب ٬ د غېر ملكي وګړو نه د كركې او د هغوي د بدنامولو په ډول پېښو ستونزو په ضد ښكاره پېغام وركړے شي۔دې سره به د اسلامو فوبيا او مسلمانانو په ضد د زياتېدونكو جذبو په اړه په نړيواله كچه شعور بېدارولو له مرسته ترلاسه شي۔ هغه ووئيل دا ورځ د يوځاے كېدو ده د جدا كېدو نه ده۔هغه ووئيل مونږ بايد هغه خلق كاميابېدو ته نه پرېږدو كوم چې مونږ تقسيمول او ماتول غواړي۔خارجه وزير ووئيل غلط معلومات او مسح شوې حقائق زمونږ د ګټې دښمنان دي٬دوه كاله وړاندې په كرائسټ چرچ كښې شوو د افسوس وړ پیښو كښې 51 عبادت كوونكي وژلے شوي وو۔خارجه وزير ووئيل د اسلامو فوبيا مسئله نوې نه ده ولې په تېرو دوو لسيزو كښې دا ډېره زياته شوې ۔هغه ووئيل حجاب ته سياسي رنګ وركولے شي٬د غوا د تحفظ په نامه بې ګناه وګړي وژلې شي۔ اسلامي نښو او مقدس ځايونو ته زيان رسولې شي٬د اسلام او مسلمانانو ترهه ګرۍ سره د تړلو هڅې كېږي۔شاه محمود قرېشي ووئيل اسلام د امن دين دے دې ته دې د څو شرخوښو د عمل په بنياد ونه كتلے شي ٬ داسې انتهاخوښي په هره يوه ټولنه يا د مذهب او عقيدو په نظام كښې موندلے شي۔هغه ووئيل مونږ مسلمانان د اسلام مسيحت او يهوديت پېغمبرانو په شان كښې د ګستاخۍ غندنه كوو٬د ټولو مذهبونو او پیغمبرانو احترام زمونږ د عقيدې برخه ده۔خارجه وزير د او آئي سي د خارجه وزيرانو دا غوښتنه يو وارې بيا رامخې ته كړه چې عمومي اسمبلي دې 15 مارچ د اسلامو فوبيا په ضد د نړيوالې ورځې په توګه د لمانځلو اعلان وكړي۔ كوم به چې د نړيوالې ورورولۍ د اړخه د يو والي څرګندونې سره د اسلامو فوبيا عفريت ختمولو او د يو بل احترام او همغږۍ ته وده وركولو له يو سنګ ميل وګرځي۔(
خارجه وزير شاه محمود قرېشي د اسلاموفوبيا په ضد د نړيوالې ورځې په مناسبت سره نيويارك كښې د “او آئي سي”رابطه ګروپ تر سيوري لاندې دستورې ته خطاب
مضمون کا ماخذ : لاٹری کے اعدادوشمار
متعلقہ مضامین
